Nongpoh, Feb10: Ri-Bhoi a·jani Mawdiangum jolni Makoibari minggipa songo Jeep bolsa a·kuangona bilsruangaha aro uandake ua gariko salenggipa bilsi 65 ong·gipa nokgipa janggi galaha.
Ia obosta Mongolbar salni 1:20 bajimango ong·aha aro a·selo ga·akgipa mande Ri-Bhoi a·jani Saiden songo donggipa Rymphangsngi Blah ong·a ine u·ina man·aha.
Koborrangko man·soani gitade, sianggipa mande uni gari ML-10-1027-ko salenba Makoibari-oni Mawdiangum sorokchipakna re·angengachim.
Uandake, ramao ong·engmitingo uni gari neng·nikaniko man·aha aro uno gariko namedake salpilna ine uko salenggipa gear dingtang dokaha indiba gari tang·watenba a·kuangona ga·akangaha aro una namen saknaaniko on·aha.
Koborrangko man·a ja·man, Nongpoh Visitors Police personnel gong·raken a·sel ong·gipa biapona rikangaha aro saknaaniko man·gipa mandeko Bethany Hospital, Nongpoh-ona rimangaha indiba uni mata-buanirang jimbeahani a·sel janggi galmanaha ine doctorrang parakataha.
Ja·mano, sianggipa mandeni nokdangni manderangni mol·molani gimin post-mortemko dakjaha aro pilak dakna nanggipa kamrang matchotman·ani ja·mano, police-rangni uni manggisiko nokni manderangna pakwate on·ataha.
Na·simang iakoba nina man·gen:
Na·simang iakoba poraina man·gen: Assam Congress, CM Sarma aro uni jikgipako tangka cha·ani aro a·a sekdraanina matnange jegalaniko dakangaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#RiBhoi #ajao #Jeep #bolsa #asel #onge #mande #saksa #sia
