Shillong, Feb 19: New Shillong-o kror 101-ni acre 17 ong·gipa damsa permanent multi-purpose event ground-ko tarianiko ·bachengatengaha ine Deputy Chief Minister in-charge Urban Affairs Sniawbhalang Dhar Bristibar salo parakataha.
“…Ia project-na da·o chu·gimik kamrangko ka·engaha, acre 17 ong·gipa permanent multi-purpose event ground-ko New Shillong-o stadium sepango tariengaha aro una kror 101 tangkarangko chammaha, aro gipin member-rangba ianan mongsong krenganirangko dakenga. Iano komibeoba sak hajal 60-70 manderangko chakgen aro unbaksana Mawkhanu-o football stadium-o sepango gari donchakanirangba donggen,” ine Dhar, opposition-oni North Shillong-ni VPP MLA Adelbert Nongrum-ni Assembly-o janapanirangna aganchakangaha.
Shillong-ko uni janggi tangani bewalrangna niksenggipa aro pilak manderangnan namgipa ong·atenba, songsarni pilak dolrangni manderangna kuligipa biaprangko tarina sorkarini niksamsoaniko ua talate on·angaha.
Wards Lake-ko namen an·saogipa biap dake tariani, Wahumkhrah chisamko tariani, aro Ka Phan Nonglait Park-ko namdapatanirangko da·o dakna a·bachengengaha.
Uandake, Polo-o donggipa Wahumkhrah chibima rikam joljol-ko Meghalaya-ni skanggipa Riverfront Projeect dake kam ka·engaha aro indake dakanichi bangbanggipa rochakna namgipa biap, rama re·chakani, kal·susachakgipa biaprang, aro chadamberangna tom·dake rochakram biaprang dake ong·atgen ine ua aganangaha.
Songjinmani bijangchio, Barik jolkoba manderangna rochakna bangbanggipa biap dake taridapenga aro ia project traffic-ko komiatna aro manderangna jakkalna miksonge tarienga, aro apsandaken Ka Phan Nonglait Park-koba nambata cholrangko on·e taridapanirangko dakenga ine Dhar aganangaha.
“Ia biaprang bangbanggipa, pilak dolrangni manderang rochakna man·gipa biaprangko tarina miksongenga,” ine ua aganangaha.
“Uni gimin ia rai-ko ra·ani miksonganiara chasong gitalni gadango tom·bimonganirangko sokachakram aro rochakram biaprangko tarina chu·onga gita tangkarangko tikatna ine ong·a, iako Shillong aro gital Shillong songjinmani gisepo ka·enggipa aro tikatgipa project-rangchi ka·enga,” ine Dhar parakatenba, pilak songdonggiparangna rochakgipa, mikkangchina daksogipa, aro pilakan jakkalna man·gipa biaprangko tarina sorkari on·kange kam ka·enga ine talate on·angaha.
Uandake, manderangni agananirangko sorkari see rakkiaha aro pilaknan namgipa biaprangko rikna sorkari krenge kamrangko ka·enga ine ua pil·taie aganangaha.
Na·simang iakoba nina man·gen:
Na·simang iakoba poraina man·gen: M’laya-ni dam 817 locality aro 427 sub-locality-rangko MRSSA-o chapata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Shillongo #Kror #101ni #biapko #tarianiko #abachengata
