Shillong, Feb 20: Shillong-ni VPP Member of Parliament Dr Ricky AJ Syngkon-ni Bristibar walo a·gilsakko wate re·anganina kalimaniko mesokna ine Meghalaya Assembly Sukrobar salo pilak kamrangko dontongataha aro sak 60 MLA-rang a·dokni skotong minister Conrad K Sangma baksa sianggipa dilgipako mande ra·bee gisik ra·aniko dakangaha.
“Dr Ricky AJ Syngkon sagina mande ra·aniko mesokna ine da·alna pilak donsogimin kamrangko dontongatgen aro an·ching sianggipa mandeko gisik ra·aniko dakanggen,” ine Speaker Thomas A Sangma Assembly-o u·iataha.
Uandake, dakgni kamrangna tikatgimin gital somoiko ja·mano u·iatgen ineba ua aganangaha.
A·dokni Skotong Minister Conrad K Sangma, Shillongni MP Dr Ricky AJ Syngkon-ni a·gilsakko wate re·anganiara Meghalaya a·dokna dal·bea gimaani ong·a ine parakatangaha.
Uandake, Dr Syngkon sagini National Institute of Social Defence-ko Meghalaya-o a·bachengatna ine janapani somoio, sal 15-na skangmangmang Delhi-o uko grongaha ine skotong minister gisik ra·e aganangaha.
“Ua namen gisik nangachim, uni gimin anga uko iani bidingo angna see onatchina aganaha, aro ua uko dakaha. Uni angna seatgipa bon·kamgipa kattarangara, “Attamnam Sir, institute-na angni janapatgimin-ko ka·sapae nipabo,’ ine ong·a ine Conrad janapangaha
“Anga ua somoiko gisik ra·a.. ua namen cholon-bewal namgipa mande ong·achim…uko anga ripeng gitcham gita daknikpilachim,” ine ua gisik ra·bee aganangaha.
Uandake ua Dr Syngkon sagini an·tangko bamatani gimin janape, St Mary’s School-o tom·aniona scooty sale seng·gnang biapona sokbaaniko aganangaha.
“Ian Dr Syngkon – gisik namgipa, bamgipa, bebera·gipa aro manderangna namgniko ra·bana on·kange kam ka·gipa,” ine Sangma talatangaha.
Skotong minister Bristibar salo budget-ni lekkarangko niengmitingo Dr Syngkon-ni gitile ga·akani bidingo knaaha, aro ua ta·rakane official-rang aro hospital-rangchi sing·ate kobor ra·aha, indiba Roberts Hospital-o Dr Syngkon-ko siaha ine parakataha.
Ja·mano, skotong minister deputy chied minister-rang – Prestone Tynsong aro Sniawbhalang Dhar, aro MLA-rang baksa hospitalona re·angaha aro sianggipa Dr Syngkon-ni nokdangni manderang baksa uni manggisiko Pokskeh-o ra·angengmitingo re·angpaaha.
Dr Syngkon sagiko gopaniko Sonibar salo daknaba gnang ine, uko bon·kame mande ra·aniko dakna manderang re·bana man·na gita Shillong parliamentary constituency-ni pilak a·jarango chuttini sal ong·gen ine Sangma parakataha.
Uandake, Dr Syngkon-ni wate re·angani a·dokna dal·bea gimaani ong·a ine Sangma aganenba, duko ga·akangenggipa nokdangni manderangna an·tangni kalimpaaniko parakate, uamangna bi·chakanirangko dakangaha.
Apsandake, Opposition-ni dilgipa Dr Mukul Sangma-ba Dr Syngkon-ni sianiara a·dokna dal·bea gimaani ong·a inenba, uni pilak bakrime ka·giparang aro una ka·sagipa manderangna an·tangni kalimpaaniko parakataha. Ia rang·gitik a·sel ong·anio dukko chakenggipa pilak manderangna Isol ka·dimeaniko on·china ine uamangna Nokgipao bi·chakaniko dakangaha.
Dr Syngkon-ni sianiara aiao inmangipa aro namen ra·chakna amgijagijagipa ong·a ine Dr Mukul aganangaha.
“Ua namen gisik nanggipa dilgipa ong·a, aro ua manderangni dilgipa ong·na kragipa namen chakchikgipa ong·a ine an·ching nikna man·a,” ine ua aganangaha.
“Uni sianichi, uni manderangna dangdikna a·bachengani somoion an·ching namen gisik nanggipa dilgipako gimaataha, aro ua a·doko aro Salgro Salaram-osan ong·aija indiba a·song gimikona niksengataniko man·na a·nachengengachim,” ine Dr Mukul parakataha.
Uandake, Dr Syngkon-ni politics-o kam ka·anichi a·dok bang·a namgnirangko man·genchim ine Dr Mukul aganangaha. “Rakbatgipa kamrangoni mingsao uni chakchikna amani aro gisik ka·sinaniko talatna kattarangba chu·ongja,” ine ua agandapaha.
“Ka·a be·giparangni sepango Isol donga, aro Dr Ricky sagini pilak ba·rimarang aro ka·sagiminrangko bilakgipa Isol ganggopchina,” ine Sangma duko ga·akenggipa nokdangni manderangna bi·chake bon·kame aganangaha.
Na·simang iakoba nina man·gen:
Na·simang iakoba poraina man·gen: Shillong-ni MP football kal•mitingo gitile sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Shillongni #sianina #kalimna #Mlaya #Assemblyko #salsana #dontongata
