Guwahati, Feb 8: Congress MP Gaurav Gogoi aro uni jikgipa Elizabeth-ni Pakistan baksa bakrimani bidingo am•sandianirangko matchotaha aro apalbate am•sandianirangko dakangkuna Union Ministry of Dwelling Affairs-na (MHA) Particular Investigation Report-ko (SIT) on•atgen ine Sonibar salo Assam-ni Skotong Minister Himanta Biswa Sarma aganangaha.
Gogoi aro Pakistan-ni Ali Tauqeer Sheikh minggipa mandeni bakrimanirangko am•sandina ine SIT-ko bikotaha maina ian a•songna kengniko ra•baani ong•a ine Sarma parakataha.
“Uni pagipani Assam-ni Skotong Minister ong•engmitingo ua MP Pakistan-ona re•angaha. Ian sal-10-na re•angani ong•a, indiba uni bidingo mamung see rakkianirang dongja. Chinga uni re•angni bidingo am•sandie man•anirang donga, aro chingni report-o a•songni tom•tomanina kengnini bidingo nangchongmotgipa janapani donga,” ine Sarma kobor ra•timgiparangna talataha.
Gogoi ua somoio Assam-ni Skotong Minister-ni dongramo dongengachim indiba uni Pakistan-ona re•angani gimin u•iatjaha aro ian namen jajrengani ong•a ine Sarma matnangaha.
“Bang•a bobil dake chakatgipa dolrang Assam-ni chadamberang baksa melia aro ian gital katta ong•ja. Iandakgipa dolrang bang•batan Pakistan-oni kamrangko ka•enga. Skotong Minister gitchamni depanteni Pakistan-chi sriksrik re•anganiara jajrengani ong•a, uni gimin chinga iani bidingo am•sandianiko dakaha,” ine Sarma aganangkuaha.
Skotong Minister-ni talatani gitade, Gogoi Pakistan-ona re•angasan ong•aija indiba India-ni bang•a bobil dolrang baksa kobor ra•grikaha aro 2012 aro 2016 bilsirangni gisepo bang•a changrangna phone-o golpoanirangkoba dakaha.
“Chinga uni re•angani sakkirang donga indiba cellphone ka•anirangko chinga sandina man•jaha. Ma•mongni dolrangsan ukode dakna man•aia. Uni gimin chinga ma•mongoni am•sandianirangko nangnikenga, aro nanggenchimode uamang Interpol-ni dakchakanikoba am•na man•gen,” ine Sarma janapangaha.
Uamangni am•sandie man•anirangoni adita bakrangko Robibar pringo manderangna parakatgen aro uni ja•mano Assam-ni manderangko nigrike an•tangtangna chanchie ra•china agangen ine Skotong Minister aganangaha.
A•dok sorkari ma•mong sorkarini dolrang jekai NIA ba CBI-rangna kobor on•atna bil donggenchimoba, badia dol am•sandianiko dakgen uko basena ma•mong sorkari jakgitel ong•na nanga ine Cupboard nangnikaha ineba ua aganangaha.
Re•anggipa bilsio, ia report-ko September 10 tariko manderangna parakatgen ine Sarma u•iatahachim, indiba am•sandianirangko dakna somoirangko nangkuenga ine ua ja•mano aganangaha. Sonibar salo, Assam Police-ni namedake aro story am•sandianina uamangko ua mitele aganangaha.
Ia ja-ni a•bachengao, report-ko February 8 tariko parakatgen ine Sarma agantaiaha. Indake ong•engon, a•dok sorkari re•anggipa bilsini September jao report-ko maina on•na man•jaha ine Gogoi sing•doaha.
“Ian BJP-ni chu•sokgijanirangko pindape manderangko gualatna jotton ka•anisa ong•a. Anga mamung ong•gijako dakkuja, aro anga dakgenchimode, 2014 bilsio sorkariko rikani ja•mano BJP angni kosako maina ja•ku de•na man•jaha?” ine Gogoi aganangaha.
Na·simang iakoba nina man·gen:
Na·simang iakoba poraina man·gen: Boko-Hahim ramao motorbike a·sel chadambe saksa sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Congress #MPni #Pakistan #baksa #bak #donga #ine #matnangani #bidingo #amsandie #Assan #sorkari #MHAna #SIT #reportko #ongen
