Shillong, Feb 13: Adita salrangna skang, East Jaintia Hills a·jani Mynsyngat-Thangsko-o niam gri chalaienggipa koela a·damo goprete a·sel ong·anichi sak 30-na baten manderangni janggi galanio am·sandina sorkarini bikotgimin Judicial Inquiry Fee-ni rai-rangko u·ina BJP dolrang nisengsoenga ine party-ni mongsonggipa ku·wattimgipa M Kharkrang Sukrobar salo parakataha.
“Ia obostarang ong·aha ine sorkari ku·chakaha, aro an·chingba am·sandie matchotaniko sengna nanga ine angade chanchia,” ine Kharkrang kobor ra·timgiparangna parakataha.
Uandake, ong·gimin obostani bidingo badi ka·manaha aro matnanganiko man·gipa manderangko rim·aha ine ua aganangaha. Sorkari ia obostako am·sandina fee of inquiry-ko bikotaha ineba ua janapangaha.
“Ia obosta ong·ani ja·man ta·raken an·chingni prime minister aro union house minister an·chingni skotong minister baksa agangrike kakketko sing·e ra·angaha,” ine Kharkrang ma·mong sorkarini gong·rake ja·ku de·aniko talatangaha.
Una agreba, a·dok sorkarini parakatna skang, saknaaniko man·enggipa manderangna prime minister exgratia-ko on·ataha.
“Obosta ong·a mingpraknade skotong minister kamtangoni watna nangja… Sorkarioni ja·ku de·aha – ian kam watana bate gamchatbata,” ine a·sel ong·anio skotong minister Mining and Geology Minister ong·aniko watna nanga ine manderangni dabianirangni bidingo Kharkrang talatangaha.
Na·simang iakoba nina man·gen:
Na·simang iakoba poraina man·gen: M’laya-o rel ramarangko bariatna manderangni ku•monganiko nanga: Devesh Kumar
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Koela #adamo #goprete #asel #ongani #bidingo #kamtangko #watna #nangja #BJPni #kuwattimgipa
