Tura, Feb 17: National School of Drama (NSD)-ni chang 25-gipa Bharat Rang Mahotsav (BRM)-ko Mongolbar salo, Tura-ni District Auditorium-o ong•atangaha aro ia program-ko ong•atanio, Tura-ni MDC Bernard N Marak, mongsonggipa sokgipa ong•e bak ra•angaha.
Ia program-ko ong•atanio, North Eastern Hill University (NEHU) Tura Campus-ni Pro-Vice Chancellor In-charge Prof Sujata Gurudev-ba okamatako man•e bak ra•angaha.
Ia program-ko ong•atani bidingo NSD-ni pal Jyoti Narayan Nath, jinmana talate on•angengon, dakmesokanirango jatni ku•sikrangko jakkalna nangani gimin aganangaha.
Ia program-ko ong•atanio, NSD-ni Director Chittaranjan Tripathy-ba jinmana aganprakengon, ia bilsini Bharat Rang Mahotsav-ba donsogimin pangchakaniara, ‘Samvad Sanskritiyon Ka’ ong•a aro ian dingtang dingtang jatni ku•sikrangko ra•dona miksongani ong•a ine parakataha.
Ia Bharat Rang Mahotsav-ko ong•atanio golpo minggniko dakmesokangaha aro uan skanggipade, Balsrame A Sangma-ni segipa aro A•chik Theatre-ni dakmesokgipa ‘Ku•bilbat Muni’ ong•a aro gnigipade, Jyoti Narayan Nath-ni segipa aro Guwahati-oni Anubhav – The Actors Guild-ni dakmesokgipa ‘The Wise Creature’ ong•a.
Ia chang 25-gipa Bharat Rang Mahotsav-ko January 27 tarikoni February 20 tarikona dingtang dingtang biaprango ong•atenga aro ia manianio, ming 277-na baten dakmesokanirangko mesokenga.
Na·simang iakoba nina man·gen:
Na·simang iakoba poraina man·gen: SSA, adhoc skigiparangni dormahako bariatanio cr 200-ko koros ka•dapna nanggen ine CM talata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Turao #National #School #Dramani #chang #25gipa #Bharat #Rang #Mahotsavko #ongata
