Cyhuddo dyn 57 oed o geisio llofruddio yng Nghaerfyrddin – Worldwide Dispatch

Mae dyn 57 oed wedi cael ei gyhuddo o geisio llofruddio yn dilyn digwyddiad yng Nghaerfyrddin yr wythnos diwethaf.

Cafodd menyw “anafiadau trywanu” mewn ymosodiad honedig yn ardal Heol Picton a Pharc Caerfyrddin ddydd Iau, 29 Ionawr.

Roedd Heddlu Dyfed-Powys wedi gwneud apêl gyhoeddus i geisio canfod James McKenna o’r dref yn dilyn y digwyddiad.

Fe gadarnhaodd nhw ddydd Llun bod unigolyn wedi cael ei arestio.

Dywedodd y llu nos Fercher fod Mr McKenna wedi cael ei gyhuddo o geisio llofruddio, bod â llafn yn ei feddiant mewn man cyhoeddus, a stelcian.

Mae disgwyl iddo ymddangos yn Llys Ynadon Llanelli ddydd Iau.