Belbari, SWGH, Feb 14: Skotong Minister Conrad K. Sangma, South West Garo Hills-ni Belbari-o mongsonggipa sokgipa ong·e chang 56-gipa Annual Koch Conference-ko ong·atani bon·kamgipa salo dongpae bak ra·angpaaha, jeon Betasing-ni MDC Sanjay Koch dal·batgipa sokgipa ong·e, Deputy Commissioner Anendya Raajshre aro gipin mande ra·ako man·a kragipa manderang baksa bak ra·angpaaha. Ia sal 3-na ong·atenggipa conference-ko February jani 12 tariko a·bachengataha, jeon bang·a dilgiparang aro Koch Community-ni member-rangni bak ra·paaniko nikangna man·aha. Ia program-ko ong·atengon, Meghalaya Koch Association, Skotong Minister-na memorandum-ko on·angaha.
Sangma, jinmana aganprakengon, Garo Hills-o bang·a dingtang dingtang jatrang gnang, indiba uamang pilakan ku·mong meli nangrime donggiparang ong·a ine aganangaha. Iani gisepon, a·dok sorkari darangkon mikkang nitea gri kamrangko ka·enga ineba ua agandapangkuaha.
Indake ong·engon, a·dok sorkari Koch ku·sikko chapatna janapani baksana gipin neng·nikani bidingoba name nianiko dakanggen ineba ka·donganiko on·angaha.
District Selection Committee (DSC) porikka seanio, A·chik ba Khasi ku·sikrangara Associate Official Language-rang ong·ani gimin candidate-rang ianoni ge·sa kusikosan seokna nangaigen ineba ua agan-talataniko dakengon, porikka sea gimikkon A·chik ba Khasi ku·sikchi ong·jawa, paper ge·sakosan basegimin ku·sikchi sena nangaigen ineba u·iatangaha.
Ia memorandum-o, National Education Policy-ni ning·o Koch ku·sikko lower primary skulrango a·bachengate on·china a·dok sorkariko didiataha. Uasan ong·aigija ia memorandum-o a·dok sorkariko kamrangna aro skul/college-rangna ku·agana nanganiko dikdiksana dondikatchinaba u·iataha. Iani gisepon, ia memorandum-o a·kawe jolrango donggipa Village Employment Committee-rango jatni songgimin songni nokmarangko chairperson songan baksana New Tura-o donggipa Koch Boys’ Hostel-o naljokani aro namdapatanirangkoba dakchina aro Belbari-o tom·chakani aro cultural hall-koba rikchina didiataha.
Ia program-ko ong·atani bon·kamao, Koch jatrangni ripingbaenggipa dakbewal rikbewalrangko maniani gita jatni dakmesokanirangko mesokangaha.
Na·simang iakoba nina man·gen:
Na·simang iakoba poraina man·gen: Jim Festival 2026: Salgittamna ong•atgipa Off-Road Challenge, Chandubi wari sepango matchotanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#SWGHo #chang #56gipa #Annual #Koch #Conferenceni #bonkamgipa #salo #bak #raea
